Abuwa Sweden

Bismillahirrahmanirrahim,

Uroënyoë uroë Aleuhad,

Alhamdulillah Sinyak Husna Mi jinoë ka puléh, tapi Mi Sinyak nyang ka sakét. Mi sakét pilèk lagèë Sinyak Husna baroësa, ngön batôk2.

Siat treuk kamoë keuneuk meujak u rumoh Michik, tapi Sinyak Husna mantöng teungeut. Bunoë ka jiteubiët ngön Abujih, jijak u Fiesta. Nyan keuh kadang hék jih bak meujak2 nyan.

Weekend nyoë na jamèë trôk dari Sweden,

meusambông bak uroë Seulanyan

Weekend baroë na jamèë trôk dari Sweden. Sinyak Husna seunang that haté jeuët jimeurumpôk ngön Abuwa2 Sweden. Uroë Aleuhad malam2 nyan, jimeujaga sampoë poh 11 malam, jimeu'én2 sira jideungö kamoë meupeugah haba. Poh 2 malam jaga lom, sampoë poh 3 baroë kamoë woë dari rumoh Michik.

Sayang Sinyak Husna hana meuteumeung jak intat Abuwa2 Sweden u airport. Teulat that beudoh éh. Watèë Mi jaga, geukalön watèë ka poh 7.15... Abuwa2 Sweden ka leupah geujak u airport ka geu-ék kapai, gisa u New York...

"Abuwa..., neulakèë do'a bak Poteuh..., beuna raseuki keu kamoë, beujeuët kamoë jak saweuë droëneuh beh??? Ntreuk neuba Sinyak Husna meu'èn snow beh???¨

................................

Pilèk!!!

Bismillahirrahmanirrahim,

Sinyak Husna mantong demam..., idông jih meu-ië, sôsah bak jipeulheuëh nafah..., beuklam na lhèë gö jibeudöh hana mangat bak ji-éh..., payah geumè2 lé Mi ngön ija tingkuë barô mangat ji-éh lom...,

Sayang Sinyak Husna Mi..., beurijang puléh meutuah beh!!! Bèk sakét2 lé..., sayang saré Mi kalön Sinyak Mi leumôih lagèë nyan..., watèë keuneuk meuén-meuén pih, awai palak jih lantaran idông jih meu-ië...,

Kadang uroënyoë pih hana payah Mi seumanoë Sinyak..., Mi lap mantong badan Sinyak ngön ië mawoë beh??? Lheuëh nyan tatuka bajèë ngön bajèë nyang gléh...,

Ntreuk payah Mi talipôn chit doktor Sinyak, tapeugot appointment keu vaccine, beh??? Bèk tuwoë nyan.................

Sinyak Husna Deumam

Bismillahirrahmanirrahim,

Alhamdulillah uroë nyoë ka jeuët Mi teumeutaip haraih Achèh lom. Awai hana Mi tu'oh cara teumeutaip haraih Achèh dari operating system linux. Jadi, bunoë beungoh payah Mi mita cara dilèë bak Google Search :D

Tapi sayang saré Sinyak Mi deumam..., idông jih meu-ië..., badan jih su-uëm bacut..., sayang Sinyak meutuah...,

Jinoë teungoh ji-éh sira Mi tingku..., sira jipiëp dôt jih..., "Meutuah..., bèk sakét2 sayaaang..., éh beugöt beh... mangat rijang puléh..., mangat tajak u taman takalön ticém..., takalön bak kayèë..., na bungong bungong lagak..., beh???"

Beurijang puléh jantông haté Abu ngön Mi!!!!

.....................

Sinyak Husna Hek

Bismillahirrahmanirrahim,

Uroe nyoe Sinyak Husna hek, jadi kamoe hana meujak saho. Bunoe beungoh mantong kamoe na teubit siat meujak2. Nyan pih Sinyak Husna sampoe teungeut sira geume le Abu jih.

Kadang jih hek that saweueb baroe hana that ji-eh bak rumoh Michik. Jamee trok dari beungoh kon, hana putoh2. Ban woe jamee nyang awai ka trok lom jamee nyang baro...
Watee mandum jamee ka woe, Sinyak Husna geupeusok bajee baro le Mi, bajee baro nyang geujok le Chuma Yek..., lagak keudeh bajee nyan, lagee bajee Cinderella...
Sinyak Husna Mi ka lagee 'little princess' :)
Lheueh geupeusok bajee le Mi, geucok gamba le Chuma Yek... Mandum Chuma seunang that watee geukalon Sinyak Husna sok bajee nyan... 'kiut kiut' geukheun...

Woe u rumoh, Sinyak Husna ka hek..., geutuka bajee le Mi ngon bajee beasa, laju ji-eh... Tapi uroe nyoe pih mantong hek chit...Jadi jieh lom beule. Jinoe pih mantong jieh chit :)

............

Peutron Adek Najah

Bismillahirrahmanirrahim,

Entreuk beungoh di rumoh Michik na acara Peutron Adek Najah. Mi ngon Abu sampo'an jinoe gohlom geujak eh. Mantong gabuek geupeugot nyoe jeh keu makanan bak acara singoh.

Sinyak Husna teulat chit ji-eh beuklam. Galak that jih jikalon ureueng abeh gabuek, jih pih jiseutot2 gabuek chit. Galak jih bak jimeuen2 tateh2 ngon Chuma ngon Abu jih..., trep that geupeu-eh le Mi, mantong hana teungeut chit..., padahai gobnyan keuneuk bantu2 Michik maguen...,

Jinoe, poh lhee leubeh ka..., Mi payah geujak eh chit..., meunyo han, singoh watee trok jamee gobnyan ka teungeut2... siat2 ka lom geuseumeungeup :)

....................

Uroe Raya

Bismillahirrahmanirrahim,

Seulamat Uroe Raya Aidil Fitri 1 Syawal 1429 Hijriah...

Buleuen poasa ka habeh, uroe raya pih ka trok..., buleuen poasa dan uroe raya nyang keu phon dalam udep Sinyak Husna...,

Dalam buleuen poasa nyoe, karap tiep2 uroe Sinyak Husna beudoh watee saho..., sang-sang jih pih keuneuk pajoh bu saho meusigo ngon Abu ngon Mi..., beuthat pih hana lom di jeuet pajoh bu..., jikalon2 mantong Abu ngon Mi pajoh bu saho sira jiduek dalam ayon2..., Meutuah Sinyak!!!

Beungoh2 bak uroe raya, Sinyak ka jaga laju geuseumanoe le Mi, geupeusok bajee baro, kamoe keuneuk meujak u Meusejid..., sira meujak, kamoe piyoh bak rumoh Michik..., Abu geupeudong moto toe ngon rumoh Michik lheueh nyan geujak ngon tapak u Meusejid Madrasah...,
Meusejid nyan hana ji'oh dari rumoh Michik..., dalam 5 minet tameujak ngon tapak..., Abuchik tiep2 watee seumanyang geujak keudeh...

Sinyak Husna dan Mi meujak u Meusejid meusigo ngon Chuma2..., tapi Chuma De Dekyah hana geujak... waaaaaa.... Chuma De Dekyah hana meu-uroe raya peue??? Hehehe

Watee kamoe trok, Meusejid ka punoh deungon ureueng nyang keuneuk seumanyang uroe raya..., hana geupeubida wareuna kulet, atawa Nanggroe asai, mandum geujak deungon niet nyang gleh sibago muslim dan muslimah...

Sinyak Husna seunang that hate watee jikalon ureueng dari macam-macam Nanggroe..., na awak Africa, na awak Pakistan, na awak Kleng, na awak puteh chit..., na aneuk manyak, na aneuk miet, na ureueng tuha, na ureueng muda..., mandum takalon ureueng nyan teungoh meubahgia..., teungoh meu-uroe raya....,

..............